Na ndiqni në rrjetet sociale
1 javë më parë
Artikull i ri në faqen Erasmus ![]()
Profecia dhe Postmodernia: Për një aktualizim të Sirës - Klajd Bylyku![]()
E gjendur nën dominimin e frymës postmoderne, sipas së cilës çdo njeri është psikologjikisht dhe moralisht i ndryshëm nga të tjerët, unicitet ky në të cilin konsiston dhe vlera e vërtetë e gjithësecilit, shoqëria shqiptare është e prirur që edhe fenë ta konsiderojë si pjesë të mozaikut të zgjedhjeve vetëpërmbushëse të individëve. Nga ana tjetër, muslimanët e gjendur në këtë situatë të vështirë, që karakterizohet nga mospërputhja që ekziston midis objektivitetit të shpalljes hyjnore dhe kuptimit relativ që duhet të ketë gjithçka, përfshirë dhe Zotin, të nxitur në mënyrë të pavetëdijshme edhe nga ndonjë interpretim i ngushtë i ndonjë argumenti fetar se gjërat duhen bërë edhe nëse dobia është e pakët, shpesh priren drejt një fragmentarizimi të profecisë, si të Kuranit si Fjalë e Zotit, ashtu dhe të sirës profetike.![]()
Por duke e vlerësuar dëmin dhe dobinë jo rast pas rasti siç është e udhës, gjendja e stepjes në davet rezulton rregull dhe jo përjashtim, që me fjalë të tjera do të thotë se në piedestalin e modeleve që imitohen, mund të ketë vend edhe për jetën profetike. Kjo sjellje ka rrezikun se kështu Islami paraqitet si dukuria e radhës në listën e besimeve të Epokës së Re (Neë Age beliefs), në një kohë kur historia e tij e tregon qartë se eklektizmi dhe selektiviteti kanë qenë armiqtë e vetëm të cilëve nuk u ka bërë dot ballë.![]()
... Më tepërMë pak